Стартаплар учун 6 млн доллар: Президент соврини танловларига аризалар қабул қилинмоқда

Стартаплар учун 6 млн доллар: Президент соврини танловларига аризалар қабул қилинмоқда
Ишчи прототип, биринчи сотув ёки инвестиция жалб қилишга тайёр стартапингиз борми? Унда President Tech Award ва President AI Award 2026 танловларида иштирок этишингиз мумкин.

Танловларнинг умумий жамғармаси 6 млн долларни ташкил этади.

President Tech Award доирасида 3 та трек мавжуд: Инкубация — ишчи прототипга эга жамоалар учун, 40 минг долларлик грант;
Акселерация — биринчи сотувга эга стартаплар учун, 100 минг долларгача венчур инвестицияси;
Энг яхши стартап лойиҳаси — инвестиция жалб қилишга тайёр лойиҳалар учун. Аризалар AI, FinTech, Enterprise, GovTech, Creative Industry ва бошқа 10 та вертикал бўйича қабул қилинади.

President AI Award 2026 эса сунъий интеллектга асосланган лойиҳалар учун мўлжалланган. Давлат бошқаруви, соғлиқни сақлаш, таълим, саноат ва яшил иқтисодиёт йўналишларида 15 та ғолиб аниқланади.

Ғолибларга 40 минг доллардан 100 минг долларгача инвестиция ажратилади. Иштирок этиш учун ишчи MVP ва GitHub репозиторияси бўлиши шарт.

Аризалар:
President AI Award — 1 августгача;
Инкубация ва Акселерация — 10 августгача;
Энг яхши стартап лойиҳаси — 31 августгача.
Рўйхатдан ўтиш: awards.gov.uzTelegram | Instagram | Facebook

Leave a comment