Investitsiya muhiti va erkin iqtisodiy zonalar

#Mustaqilligimiz_35_yilligiInvestitsiya muhiti va erkin iqtisodiy zonalar

O‘zbekiston mustaqilligining 35 yillik taraqqiyot yo‘lida mamlakatimizda investitsiya muhitini yaxshilash va erkin iqtisodiy zonalarni rivojlantirish borasida keng ko‘lamli islohotlar amalga oshirildi. Ayniqsa, so‘nggi yillarda xorijiy investorlar uchun qulay huquqiy va iqtisodiy sharoitlar yaratilib, tadbirkorlik faoliyatiga to‘sqinlik qiluvchi byurokratik jarayonlar qisqartirildi, soliq va bojxona imtiyozlari kengaytirildi hamda investitsiya loyihalarini qo‘llab-quvvatlashning zamonaviy mexanizmlari joriy etildi. Erkin iqtisodiy zonalar hududlarda yangi korxonalar tashkil etish, zamonaviy texnologiyalarni jalb qilish, ishlab chiqarishni mahalliylashtirish, yangi ish o‘rinlari yaratish va eksport salohiyatini oshirishning muhim omiliga aylandi. Natijada O‘zbekistonning investitsiyaviy jozibadorligi yildan-yilga ortib, mamlakat iqtisodiyotining ochiqligi va raqobatbardoshligi mustahkamlanib bormoqda. Bugun erkin iqtisodiy zonalar nafaqat sanoat va ishlab chiqarish, balki innovatsiya, logistika, farmatsevtika, turizm va boshqa istiqbolli yo‘nalishlarni rivojlantirishga xizmat qilmoqda. Bu yutuqlar mustaqillik yillarida iqtisodiyotni modernizatsiya qilish va xalq farovonligini yuksaltirish yo‘lida amalga oshirilgan izchil islohotlarning yorqin ifodasidir.

O‘zbekiston Respublikasi mustaqilligining 35 yilligi muborak bo‘lsin! Yangi O‘zbekistonimizning iqtisodiy qudrati, investitsiyaviy salohiyati va farovon kelajagi yanada yuksalaversin!

Toshkent davlat tibbiyot universiteti
Ijtimoiy fanlar kafedrasi dotsenti,
Alimova Sabohat Gaziyevna.

Leave a comment