Toşkent davlat tibbiyot universitetining Atrof muhit gigiyenasi kafedrasi tomonidan 8-son talabalar turar joyida «Inson salomatligi va profilaktik tibbiyot» mavzusidagi uçraşuv taşkil etildi.

Uçraşuv davomida talabalarga profilaktik tibbiyotning asosiy yönalişlari, yuqumli va yuqumli bölmagan kasalliklarning oldini oliş, töğri ovqatlaniş, jismoniy faollik, şaxsiy va jamoat gigiyenasi qoidalariga amal qilişning ahamiyati haqida batafsil ma’lumot berildi.
Şuningdek, talabalar turar joylarida sanitariya-gigiyena talablariga rioya qiliş, yaşaş xonalarining tozaligi va havosini muntazam yangilab turiş, içimlik suvi sifatiga e’tibor beriş, kun tartibini töğri taşkil etiş hamda zararli odatlardan voz keçiş masalalariga alohida e’tibor qaratildi.

Kafedra professor-öqituvçilari tomonidan yoşlar salomatligini asraşda profilaktik tibbiy köriklarning örni, kasalliklarni erta aniqlaş va ularning oldini oliş böyiça tuşuntiriş işlari olib borildi.
 Muloqot davomida talabalarga Toşkent davlat tibbiyot universiteti ta’lim, ilmiy faoliyat va yoşlar uçun yaratilgan imkoniyatlardan samarali foydalanış böyiça muhim ma’lumot va tavsiyalar berildi.
Uçraşuv oçiq muloqot tarzida ötkazilib, talabalar özlarini qiziqtirgan savollar bilan murojaat qildilar. Kafedra xodimlari tomonidan berilgan savollarga batafsil va ilmiy asoslangan javoblar berildi.
Bunday uçraşuvlar talabalarni qöllab-quvvatlaş, ularning ilmiy va ijodiy salohiyatini rivojlantiriş hamda mavjud imkoniyatlardan samarali foydalanışga yönaltirişda muhim ahamiyatga ega.

​Rasmiy sahifalarimiz!

Telegram | Facebook | Instagram| YouTube | X | Linkedin

Leave a comment