Toshkent davlat tibbiyot universiteti Xalqaro fakulteti talabalar o‘rtasida voleybol musobaqasi bo‘lib o‘tmoqda.

Talabalar bo‘sh vaqtini mazmunli tashkil etish, sog‘lom turmush tarzini targ‘ib qilish hamda jamoaviylik ruhini mustahkamlash maqsadida Toshdtu Xalqaro fakulteti talabalari o‘rtasida voleybol sport musobaqasi yuqori saviyada tashkil etildi.
Musobaqada fakultetning turli guruhlaridan tuzilgan jamoalar faol ishtirok etib, kuch sinashdilar. Bellashuvlar davomida talabalar jismoniy tayyorgarlik, tezkorlik va jamoaviy hamjihatlikni namoyon etdilar.

Maydondagi raqobat, sportga bo‘lgan ishtiyoq va do‘stona muhit musobaqaga alohida fayz bag‘ishladi.

Mazkur sport tadbiri talabalar o‘rtasida sog‘lom raqobatni shakllantirish, do‘stlik rishtalarini mustahkamlash hamda bo‘sh vaqtni samarali o‘tkazishda muhim ahamiyat kasb etdi.

Shubhasiz, bunday sport musobaqalari yoshlarning jismoniy va ma’naviy rivojiga xizmat qilib, faol va tashabbuskor bo‘lishga undaydi.

Мas’ullar:Fayziyev Z.B,Jomurodov L.I.

Leave a comment