



Biz voqealarni shunchaki kuzatmaymiz — tibbiyot ichidan turib hikoya qilamiz.
Ilk intervyu. Xalqaro minbar. Va unutilmas bir jumla: “Be yourself!”
2026-yil 25-sentabr. Yevroosiyo revmatologlar kongressi.
Bu kun Toshkent davlat tibbiyot universitetining «Doktor Reporter» yoshlar jamoasi uchun haqiqiy tajriba maktabiga aylandi.
Jurnalist-publitsist Gulchehra Mirzayeva boshchiligidagi yosh reporterlar nufuzli xalqaro anjumanda bu gal shunchaki tinglovchi bo‘lib qolmadilar.
Qo‘llarida mikrofon. Qarshilarida esa dunyoning turli mamlakatlaridan kelgan taniqli mutaxassislar.
«Doktor Reporter» jamoasi a’zolari Rajabova Lola, Turg‘unpo‘latova Muqaddam va Xolisboyeva Sevinch Fransiyadan tashrif buyurgan Laurent Arnaud hamda Singapurdan Cheng Yew Kuang bilan suhbatlashib, ulardan zamonaviy tibbiyot, ilm va yosh shifokorning kelajak yo‘li haqida qimmatli fikrlarni oldilar.
Ayniqsa, Laurent Arnaudning yoshlarimizga aytgan bir jumlasi xotirada qoldi:
“Be yourself!” — “O‘zligingizcha bo‘ling!”
Yana bir fikri esa hayotning o‘ziga tegishli saboqdek yangradi:
“Life has difficulties and we have to find a way around the difficulties.”
Ya’ni: “Hayotda qiyinchiliklar bor va biz ulardan chiqish yo‘lini topishimiz kerak.”
Oddiy tuyulgan bu ikki jumlada bo‘lajak shifokor uchun katta ma’no bor: o‘zligingni yo‘qotma, qiyinchilikdan qo‘rqma va doimo yechim izla.
«Doktor Reporter»ning maqsadi ham aynan shu — bo‘lajak shifokor nafaqat tibbiyotni bilsin, balki savol berishni, tinglashni, fikrlashni va olgan bilimini jamiyatga tushunarli tilda yetkazishni ham o‘rgansin.
Bugun yoshlarimiz xalqaro kongressda ilk intervyularini oldilar. Hayajon ham bo‘ldi, ilk tajribaning mas’uliyati ham.
Ammo katta yo‘l aynan shunday dadil qadamlardan boshlanadi.
Bugun mikrofon tutgan talaba — ertaga yetuk shifokor, olim, balki xalqaro minbarlarda O‘zbekiston tibbiyoti nomidan so‘zlaydigan mutaxassis.
«Doktor Reporter»ning yangi avlodi yo‘lga chiqdi.
«DOKTOR REPORTER» XABAR BERADI
Biz voqealarni shunchaki kuzatmaymiz — tibbiyot ichidan turib hikoya qilamiz.
#DoktorReporter #ToshkentDavlatTibbiyotUniversiteti #YoshReporterlar #YevroosiyoRevmatologlarKongressi #Tibbiyot #Yoshlar #Ilm
Rasmiy sahifalarimiz:
Telegram | Facebook | Instagram | YouTube | X | Linkedin