
Toshkent davlat tibbiyot universitetida «Zakovat» intellektual o‘yini bo‘lib o‘tdi!
Universitetimizning I pediatriya fakulteti talabalari o‘rtasida talaba-yoshlarning intellektual salohiyatini oshirish, mantiqiy fikrlash qobiliyatini rivojlantirish, dunyoqarashini kengaytirish hamda jamoaviy hamkorlik ko‘nikmalarini mustahkamlash maqsadida «Zakovat» intellektual o‘yini tashkil etildi.
Mazkur bellashuvda 12 ta guruh ishtirok etib, o‘z bilimlari, zukkoligi, topqirligi va tezkor fikrlash qobiliyatlarini namoyon etdilar. Har bir jamoa savollarga javob topish, mantiqiy xulosa chiqarish va eng to‘g‘ri qarorga kelish yo‘lida o‘zaro hamjihatlik bilan harakat qildi.
«Zakovat» — shunchaki intellektual musobaqa emas, balki bilimni qadrlash, tafakkurni charxlash, yangi g‘oyalarni kashf etish va jamoaviy ruhni mustahkamlash imkoniyatidir. Bellashuv davomida talabalar o‘z bilimlarini sinovdan o‘tkazib, o‘zaro tajriba almashish va yangi bilimlarni egallash imkoniga ega bo‘ldilar.
Musobaqa yakunida yuqori natijalarni qayd etgan jamoalar faxrli o‘rinlarni egalladilar. G‘olib jamoalarni samimiy muborakbod etamiz! Barcha ishtirokchilarga esa faol qatnashgani, intilishi va bilimga bo‘lgan qiziqishi uchun minnatdorlik bildiramiz.
Bunday intellektual tadbirlar talabalarning bilim darajasini oshirish bilan birga, ularda mustaqil fikrlash, jamoada ishlash, mas’uliyatni his etish va tezkor qaror qabul qilish kabi muhim ko‘nikmalarni ham shakllantiradi.
Zero, bugungi bilimdon yoshlar — ertangi kunning yetuk mutaxassislari va fidoyi shifokorlaridir!
Bilim sari intilish hech qachon to‘xtamasin! Har bir yangi savol yangi imkoniyat, har bir bellashuv esa yangi tajriba bo‘lsin!
Tadbirni tashkil etish va o‘tkazishda o‘z hissasini qo‘shgan barcha ishtirokchilarga minnatdorlik bildiramiz.
Rasmiy sahifalarimiz!