




Toşkent davlat tibbiyot universitetida “Tinçlik — eng oliy ne’mat. Jaholatga qarşi — ma’rifat bilan kuraş” mavzusida ma’naviy-ma’rifiy tadbir bölib ötdi.
Tadbirda Yoşlar masalalari va ma’naviy-ma’rifiy işlar böyiça birinçi prorektor boşçiligida universitet xodimlari hamda 400 nafarga yaqin talaba-yoşlar iştirok etdi.
Uçraşuvda Toşkent şahar “Ma’rifiy tarğibot markazi” diniy bölim boşliği Mirzoniyoz domla Rajabiy ta’sirli va mazmunli ma’ruza qildilar. Ustoz tinçlikning qadriga yetiş, yoşlarni yot ğoyalardan asraş hamda ilm-ma’rifatga intilib yaşaşning ahamiyatini hayotiy fikrlar bilan yoritib berdilar.
Jaholatga qarşi eng kuçli immunitet kitob öqiş orqali şakllanişi alohida ta’kidlandi. Mutolaa tafakkurni boyitadi, dunyoqaraşni kengaytiradi va mustaqil fikrlaş qobiliyatini rivojlantiradi. Bilimli, kitobxon yoş zararli ğoyalarga kör-körona ergaşmaydi, axborotni ongli tahlil qilib, öz xulosasini çiqaradi.
Tadbir davomida Özbekiston Respublikasi hududiga olib kiriş, tayyorlaş, saqlaş, tarqatiş va namoyiş etiş taqiqlangan manbalar haqida ham ma’lumot berildi. Diniy mazmundagi axborotlarni olişda .uz domenidagi tegishli rasmiy saytlar va vakolatli taşkilotlarning manbalariga murojaat qiliş, ma’lumotlarning işonçliligini tekşiriş zarurligi ta’kidlandi.
Din işlari böyiça qömitaning Olmazor tumani boş mutaxassisi Boltayev Öktam Nuriddinoviç talabalarga “Xavfsiz bot” maxsus botining imkoniyatlari va undan foydalaniş tartibi haqida ma’lumot berdi. Mazkur bot orqali şubhali kanallarni tekşiriş, ularning rasmiyligini hamda taqiqlangan kanallar röyxatiga kiriş-kirmasligini tez va oson aniqlaş mumkinligi tuşuntirildi.
Şuningdek, tadbirda mavzuga oid videorolik namoyiş etildi.
Mazmunli uçraşuv talabalarda çuqur taassurot qoldirdi. Yoşlar tinçlikni qadrlaş, kitobxonlikni kundalik odatga aylantiriş, axborot tanlaşda ogoh böliş va jaholatga ma’rifat bilan qarşi turiş borasida muhim xulosalar çiqardilar.
Kitobga yuzlangan qalbda ma’rifat uyğonadi, ma’rifatli tafakkur esa jaholatga örin qoldirmaydi.
Rasmiy sahifalarimiz!