






Toşkent davlat tibbiyot universitetida “Aholiga körsatiladigan birlamçi tibbiy-sanitariya yordamini takomillaştiriş” mavzusidagi V xalqaro ilmiy-amaliy konferensiya kun tartibidan dolzarb masalalar örin oldi.
2026-yil 4-noyabr kuni universitetning Jamoat soğliğini saqlaş maktabi tomonidan taşkil etilgan xalqaro anjuman dasturi Germaniya, AQŞ, Turkiya, Rossiya, Qozoğiston va Özbekiston olimlari, tibbiyot mutaxassislari hamda soha ekspertlarini bir ilmiy muloqot maydonida birlaştirdi.
Konferensiya dasturiga köra, oçiliş marosimida Toşkent davlat tibbiyot universiteti rektori, professor Şuhrat Boymurodov, Germaniya xalqaro hamkorlik jamiyati (GIZ) vakili Korneliya Bekker, AQŞlik olima Faina Linkov va germaniyalik professor Olav Gyots iştirоки közda tutilgan.
Anjumanning asosiy e’tibori — tibbiy xizmat sifatini oşiriş, profilaktikani kuçaytiriş, soğliqni saqlaşda sun’iy intellekt va raqamli texnologiyalardan samarali foydalaniş, kadrlar salohiyatini rivojlantiriş masalalariga qaratildi.
Ilmiy dastur beşta ustuvor yönalişni qamrab oldi:
Aholi salomatligi, kasalliklar profilaktikasi, gigiyena va atrof-muhit muhofazasi;
Soğliqni saqlaşda menejment va tibbiy suğurta;
Birlamçi tibbiy-sanitariya yordami muassasalari faoliyatini takomillaştiriş;
Soğliqni saqlaşda innovatsiyalar va raqamli transformatsiya;
Hamşiralik işini taşkil etiş va boşqariş.
Xalqaro tajribalar almashinuvi, ilmiy izlanishlar va amaliy takliflar orqali aholi uçun sifatli, qulay hamda zamonaviy tibbiy xizmatlarni rivojlantiriş imkoniyatlari muhokama qilinişi belgilangan.
Mazkur konferensiya birlamçi tibbiy yordam tizimini takomillaştirişda ilm-fan, ta’lim va amaliyot örtasidagi hamkorlikni mustahkamlaşga xizmat qiladigan muhim xalqaro ilmiy muloqot maydonidir.
Rasmiy sahifalarimiz:
Telegram | Facebook | Instagram | YouTube | X | Linkedin